You are here

ҚР Білім және ғылым министрлігінің жанындағы Қоғамдық кеңестің отырысы өтті

Printer-friendly versionPDF version

 

ҚР БҒМ ресми сайты

2017 жылғы 25 сәуірде ҚР Білім және ғылым министрлігінің жанындағы Қоғамдық кеңестің отырысы өтті. Онда министр Е. Сағадиевтің білім және ғылым жүйесін дамытудың міндеттерін іске асыру барысы туралы есебі тыңдалды. Кездесу барысында министр атқарылған жұмыстар туралы және:

мектепке дейінгі және орта білім (балаларды мектепке дейінгі біліммен 100% қамту, тәрбиешілердің біліктілігін арттырудың жаңартылған бірыңғай бағдарламасы, ата-аналарды қашықтықтан оқыту, жаңартылған мазмұнға көшу, білім сапасы жағынан қала мен ауыл мектептері арасындағы алшақтықты азайту, мұғалімдердің жалақысын көтеру, мұғалімнің кәсіби стандарты, сондай-ақ мектеп оқушылары мен мұғалімдерді кең жолақты ғаламтормен қамтамасыз ету);

техникалық және кәсіптік білім (жұмысшы мамандығын меңгеруге, сондай-ақ орта буын мамандығын алу шеңберінде жұмысшы біліктілігін тегін алуға мүмкіндік беретін «Баршаға арналған тегін техникалық және кәсіптік білім» жобасын ендіру);

жоғары және жоғары оқу орнына кейінгі білім (гранттар саны бакалаврлар үшін 31 мыңнан 37 мыңға, магистранттар үшін 7 мыңнан 10 мыңға, докторанттар үшін 600-ден 1000-ға дейін көбейеді; ҰБТ-ны 2017 жылғы тамызда және 2018 жылғы қаңтар айында ақылы негізде жоғары оқу орнына түсу үшін қайта тапсыру мүмкіндігі);

- балалардың құқықтарын қорғау (барлық балалар үйлерінде қамқоршылық кеңестер құру, оған үкіметтік емес ұйымдар, мәслихаттар, партия өкілдері енеді);

- ғылым (коммерцияландыру туралы заң іске қосылды, ғылыми жобаларды қаржыландырудың жаңа моделі енгізілуде) салаларының даму келешегі туралы айтып өтті.

Атқаралған жұмыстарды қорытындылай келе, министр азғана уақыт ішінде қоғаммен тиімді байланыс жасай білген Қоғамдық кеңес жұмысының маңызын атап өтті.

Қоғамдық кеңес мүшелері өз пікірлерімен бөлісіп, ұсыныстарын айтты және Министрліктің осы салалардағы қызметінің стратегиялық бағыттарын мақұлдап, министрге қолдау көрсетті.