Педагогика мен медицинаның тандемі балалардың табысты ерте дамуы мақсатында

Ақпараттық-талдау орталығында ҚР Денсаулық сақтау және әлеуметтік даму министрлігінің штаттан тыс педиатры, м.ғ.к. Оспанова Зәуре Мұратқызымен "Педагогика мен медицинаның тандемі балалардың табысты ерте дамуы мақсатында" тақырыбында кездесу өтті. Кездесуге мемлекеттік және жекеменшік мектепке дейінгі ұйымдардың меңгерушілері, психологтар, мектепке дейінгі ұйымдардың медицина қызметкерлері, кеңес беру пунктерінің мұғалімдері, "Мектепке дейінгі балалық шақ" республикалық орталығының мамандары, Мектепке дейінгі балалар ұйымдарының қазақстандық қауымдастығының өкілдері, ерте жастағы балаларымен жас аналар қатысты. 

"Ақпараттық-талдау орталығы" АҚ президенті Серік Әзтайұлы Ырсалиев өз алғысөзінде балалардың ерте дамуының (бұдан әрі - БЕД) халықаралық тәжірибесі және Қазақстандағы үрдістері туралы баяндады. Ерте жастағы балалардың дамуына жағдай жасау дәстүрлі түрде әлеуметтік қызметтердің, денсаулық сақтау органдарының, білім беру саласының құзыретінде тұр. Қазақстанда қазіргі таңда мұғалімдер патронаж мейірбикелерге қарағанда баланың туылғанынан дамуына және оның ата-анасын үйретуге қатысуға мүмкіндіктері жоқ. Медицина қызметкерлеріне педагогика және психология, коммуникативтік дағдылар саласында білімі жиі жеткізіліксіз болып жатады. Осыған байланысты білікті медициналық, әлеуметтік, психологиялық және педагогикалық көмек көрсететін БЕД кешенді қолдаудың бірыңғай жүйесін құру өзекті болып отыр. «Қазақстан Республикасындағы ерте жастағы балалар дамуының тұжырымдамалық негіздерінде" (2014) Салааралық нормативтік құқықтық құжатын әзірлеу мүмкіндігі туралы ұсыныс жасалды. 

Зәуре Мұратқызы үй жағдайында сәбилердің ерте дамуы мүмкіндіктерін көрнекті көрсету үшін жас аналармен және олардың балаларымен интерактивті тренинг өткізді. Жақсы күтіммен қатар, ана мен баланың үнемі көзбе-көз қарым-қатынас жасауы да, баланың қоршаған ортаны зерттеудегі талпынысын ынталандыру және қолдау жасау да маңызды әрі үрдістің кепілі болып табылады. Кішкентай балада оған күтім жасайтын адамға деген сенімді ынтықтық сезімін дамыту Хоманстың қарым-қатынас теориясына сәйкес баланың дені сау өсуіне, зияткерлік, әлеуметтік және эмоциялық дамуына негіз болады. Бұл кезекте ыдысты қасықпен қатты тарсылдату, әртүрлі заттарға деген қызығушылық және жаңаны тануға тайсалмайтын ұмтылыс табыстылықтың көрсеткіші болып табылады. 

Жас аналар баланы тамақтандыру және күту туралы кеңестер және балалардың моторикасын дамытудың басты кезеңдері туралы ақпарат алды. 0-ден 5 жасқа дейінгі балалардың ауруын, сәби және бала өлімін төмендету үшін мұғалімдер "Бала жасындағы ауруларды біріктіріп жүргізу. Ерте жастағы балалардың дамуы" оқыту циклі туралы ақпаратпен ой-өрістерін кеңейтті. Бұл бағдарламаны енгізу ҚР барлық өңірлерінде сәтті жүргізіліп жатыр. 

Кездесудің қатысушылары Қазақстанның барлық балаларын дамыту мақсатында табысты күтімді қамтамасыз ету, тең мүмкіндіктерді ұсыну үшін медициналық-педагогикалық қауымдастықтың өзара қарым-қатынас жасау жүйесін құру қажеттілігі туралы қорытындыға келді. 

З.М.Оспановамен ары қарай ынтымақтастық жасасу туралы ақпарат «Отбасы.kz» сайтында жарияланады.