Айгүл Байгулова

Байгулова Айгүл Даниярқызы, құқық магистрі, «Ақпараттық-талдау орталығы» акционерлік қоғамының Халықаралық салыстырмалы зерттеулер департаменті директорының орынбасары.

Л.Н.Гумилев атындағы Еуразия ұлттық университетін "халықаралық қатынастар" мамандығы бойынша аяқтады.

ҚР БҒМ Ұлттық білім беру статистикасы және бағалау орталығының Халықаралық зерттеулер зертханасында, ҚР ІІМ Криминалдық ақпарат басқармасында (талдау және есеп бөлімі), Астана қаласының №15 мектеп-лицейінде ағылшын тілі мұғалімі болып қызмет атқарды.

IEA және ЭЫДҰ жобаларын іске асыру жұмыстарына қатысты.    Қазақстанда TIMSS-2015, PISA-2015 және PIRLS-2016 білім  сапасын бағалау халықаралық салыстырмалы зерттеулерін ұйымдастыру және өткізумен айналысты. PIRLS халықаралық зерттеуінің құралдарын әзірлеу және бейімдеу, Қазақстан оқушыларын репрезентативтік іріктеуін құру, зерттеу мәліметтерін әзірлеу, еліміздің мектептерінде тестілеуді және сауалнама алуды ұйымдастыру және өткізу, Қазақстанда зерттеуді өткізу сапасын бақылауды қамтамасыз ету, мәліметтерді халықаралық базаға енгізу мен өңдеу, зерттеу нәтижелерін талдау, ғылыми және техникалық есептерді дайындау, зерттеудің мәліметтер банкін құру жұмыстарын атқарды. IEA жобасының тренингтеріне (Гамбург, 2014, 2015) және Ұлттық үйлестірушілер кездесулеріне (Ирландия, 2014, Мальта, 2015, Финляндия, 2015, Гонг-Конг, 2016) қатысты. Сонымен қоса, IEA PIRLS білім сапасын бағалау бойынша халықаралық зерттеуінің бақылау материалдарын және ғылыми-әдістемелік жасақтамаларын әзірлеумен айналысты.

Қызмет саласы: білім беру сапасының халықаралық салғастырмалы зерттеулерін ұйымдастыру мен өткізу – PISA-2015, TIMSS-2015 және PIRLS-2016, халықаралық зерттеулер форматы мен әдіснамасы бойынша республикалық оқу семинарларын өткізу, кодтау, өңдеу және халықаралық зерттеулер нәтижелерін талдау.