You are here
Әлем балалары жалпыға ортақ орта білімді 2084 жылға қарай алады
БҰҰ қаржы жетіспеушілігі 2030 жылға дейін жалпыға ортақ біліммен қамтамасыз етуге мүмкіндік бермейді деп мәлімдеме жасады. Бұл әлемдік көшбасшылармен барлық балалар толық орта білімді алудың соңғы мерзімі деп келісілді. Мақсатқа мерзімді қолжеткізу үшін білім беру саласын қаржыландыруды орта есеппен 6 есе көбейту керек.
Қазіргі деңгейде болса әлем балалары жалпыға ортақ бастауыш білімді тек 2042 жылға қарай ғана ала алатын болады. Орта біліммен қамтуға тек 2084 жылға қарай ғана қол жеткізіледі - келісілген мерзімнен жарты ғасырдан астам уақыттан кейін.
БҰҰ білімнің маңыздылығын дамушы елдердегі экономикалық жағдайды, денсаулық сақтауды, ауылшаруашылықты және гендерлік теңсіздікті жақсарту үшін баса айтады. Жалпыға ортақ білімге 2030 жылға қарай қол жеткізу 2050 жылға қарай 60 млн. адамды кедейліктен құтқаруы мүмкін. Африкада аналардың 2030 жылға қарай білім алуы 2050-2060жж. 3,5 млн. баланың өмірін сақтап қалуы мүмкін.
Қазіргі уақытта дүниежүзіндегі 263 млн. бала білім алмайды, ең кедей отбасылардан шыққан балалардың 30% мектепке мүлдем бармаған.
