TIMSS-2015 халықаралық зерттеудің нәтижелері жарияланды

timss2015.org, 29.11.2016

Ағымдағы жылдың 29 қарашасында IEA Оқу жетістіктерін бағалау жөніндегі халықаралық қауымдастық (International Association for the Evaluation Educational Achievement) TIMSS-2015 мектептегі математикалық және жаратылыстану-ғылыми білім берудің сапасын халықаралық мониторингтік зерттеудің нәтижелерін жариялады.  

Анықтама үшін: TIMSS (Trends in Mathematics and Science Study) – 4 және 8 сынып оқушыларының жаратылыстану-ғылыми және математикалық дайындық деңгейін бағалайтын алғашқы халықаралық зерттеу. Зерттеудің бірегейлігі - оқушылардың бір жиынын зеттеу. 4 жылдан кейін төртінші сынып оқушылары сегізінші сынып оқушылары болады. Осылайша, оқушылардың бастауыш мектептен негізгі мектепке өткен кезде оқу жетістіктеріндегі өзгерістерді байқау мүмкіндігі беріледі. 

Зерттеуге 4-сыныптың жаратылыстану ғылымдары бойынша 47, 4-сыныптың математика пәні бойынша 49, 8-сыныптың екі пәнә бойынша 39 мемлекет қатысты.

Екі пән бойынша барлық пәндер бойынша бірінші орынды рейтингте Сингапур алды. Бұл мемлекет оқушыларының орташа балы4 және 8 сынып үшін сәйкесінше математикадан 618 және 621, жаратылыстану ғылымдарынан 590 және 597. Екі пән бойынша үздік бестікке Оңтүстік Корея, Гонконг және Жапония да кірді.

Қазақстанның оқушылары ерекше жоғары жетістіктерге қол жеткізді. 2011ж. салыстырғанда қазақстандық 8-сынып оқушылары математика бойынша нәтижелерін 41 балға (528) жақсартты. Бұл Қазақстанға әлемнің 39 елінен 7-орынды алуға мүмкіндік берді. Жаратылыстану ғылымдары бойынша 8-сынып оқушылары нәтижелерін 43 балға (533) жақсартып, 9-орынға ие болды.

4-сынып оқушыларының үрдісі ерекше әсер етті: жаратылыстану ғылымдары бойынша 55 балға (550) және математика бойынша 43 балға (544) ілгеріледі. Бұл сәйкесінше 8 және 12 орындар.

Жалпы алғанда, ҚР оқушылары жаратылыстану-математикалық сауаттылық бойынша Ресеймен салыстыруға келетін көрсеткіштерді көрсетті және АҚШ, Германия, Канада, Австралия, Израиль, Швеция, Дания, Нидерланды, Польша, Чехия, Литва, Малайзия, Түркия және басқа елдерден құрдастарын озды. 

TIMSS-2015 жаратылыстану-ғылыми білім берудің сапасын халықаралық зерттеуге қатысушы мемлекеттердің Топ-10