Факты, исследования и идеи в образовании
You are here
Жапония - білім беруде теңдік ұсынудың жақсы мысалы
Соңғы 50 жылда Жапонияның білім беру жүйесі баршаға білімнің тең қолжетімділігін ұсынуда едәуір жетістіктерге жетті. Бұл білімге деген лайықты көзқарастың арқасында мүмкін болды. Жапонияда теңсіздік ұжымдық жауапкершілік болып табылады, сондықтан оқу үлгерімі нашар білім алушыларға мұғалімдер мен қатарластары көмектеседі.
Мұғалімдерді жұмысқа алу жүйесі Жапонияда білім берудің басқа ерекшелігі болып табылады. Әлемнің басқа елдеріне қарағанда, жапондық мұғалімдер мектептің емес, префектураның (облыстың) қызметкерлері болып саналады. Үкімет жергілікті деңгейде әлсіз мектептерге мықты мұғалімдердің қолжетімділігін қамтамасыз етеді. Жас мұғалімдер жұмыс орнын әрбір үш жыл сайын өзгертеді және әртүрлі білім беру орталарымен және анағұрлым тәжірибелі әріптестерінің практикаларымен танысады (толығырақ №76 Дайджесттен оқыңыз).
Жапондық білім беру жүйесі барлық жердегі теңдікке бағытталған, бұл дарынды балаларға немесе дәулетті отбасылардан шыққан балаларға арналған бағдарламалардың минималды санын білдіреді. Барлық мұғалімдер префектура билігінен бірыңғай еңбекақыны алады.
Дегенмен, бұл мұғалімдерге анағұрлым көп жұмыс істеуі керек екенін де білдіреді. Сабақтан тыс уақытта мұғалімдер оқу үлгерімі нашар балалармен айналысады және мектеп 12-14 сағаттан өткізуі мүмкін. Бұл кезекте, мұғалімдердің оқыту әдістемесін өз бетінше тандауға құқығы бар, ал мектептерде ұжымдық мәселелерді жеңу үшін әріптестердің арасында ынтымақтастықтың жоғары деңгейі қалыптасқан.
